اكذب عليك ان قلت جرحك نسيته
عزاه من دنيا بها الجـرح قتـال
واكذب عليك ان قلت حبك محيته
بس انهدم في عالم الصدق تمثال
نفسي عزيزه من جفاني جفيته ..
ومن عزني له داخل القلب منزال
كنت الحبيب اللي بعمري فديتـه
وكنت بهجير الوقت لك في وظلال
تفتحـت صفحـات هـمٍ طويتـه
نزف الالم من سبتك صار شلال
اذكرك في هرجك اللي نسيتـه ؟
ان الوفا باقي على كل الاحـوال
خلاص لاترجع وقلبـي قويتـه
النفس طابت منك وانهدت الحـال
يافاقد الاحساس غيـرك لقيتـه
اللي معه يازينها سجـة البـال
يـــا فـــاقد الإحســاس مـــنك تـعلمـت
كــيف الــوفـــاء ليصــار شـيء فـقدتـــه
يــا ليـتني بأشــواق قلـبي تحكمــت
ولا رمــيــــــت الــقــلب يمـــــك وهنـتــه
يــا للأسـف مـا فادنـي لـو تندمــت
حسبــــي عليــك اشلــون حقــي هضمتـه
تـــرضي غـرورك للـمخاليق بالشمــت
ويــكفي من التجريــح شـيء سمعتـــــه
وينــه زمـان قلـت روحـي أنــا أنـــــت
خـدعــت قلبــي وبالمحبـة وهمتــــــــه
وأنــا عشــان الـود لك قصـر كونــــت
وانتـه بـبرود احســاس جـيت وهدمتــــه
والله حسافـة يـوم شحـت وتلومـــــت
بأيـدك قـتلـت الحــــب وبأيـدك دفنتــــه
أعـرف تـراني للمـلأ الـيوم عممــت
حبـــك عليــه بالشمــع الأحمـر ختمتـــه
هناك تعليق واحد:
نايف الحارثي
http://www.youtube.com/watch?v=XNa3Gz3bJck&feature=related
إرسال تعليق